O programa PITEAS ten as súas raíces no proxecto Talento 3.0 que nace en 2013 como un estudo para a mellora da formación do profesorado na educación dos alumnos e alumnas con Altas Capacidades. Facendo énfase na importancia da figura do docente pretende ofrecer un modelo de formación para todo o profesorado baseado en modelos científicos recoñecidos e válidos, convenientemente adaptados á nosa realidade económica e contextual.

Na actualidade o Programa Talento 3.0 convértese en PITEAS, programa de formación e mentoring para o desenvolvemento do talento e érguese co obxectivo de optimizar a detección e desenvolvemento do talento nas aulas, facendo énfase na importancia das xeracións futuras para un progreso social baseado na producción científica e creativa.

PITEAS pretende dotar aos profesores das ferramentas científicas e pedagóxicas axeitadas que lles permitan atender a diversidade de necesidades, ritmos e estilos de aprendizaxes, motivacións, intereses e identidades que se atopan nas aulas. En resumo , búscase a optimización do proceso de ensino e, en consecuencia, o proceso de aprendizaxe en todos os niveis educativos, con fin de favorecer o máximo desenvolvemento do alumnado e o aproveitamento do seu potencial mediante o desenvolvemento das súas fortalezas e talentos.

​